第53章（1 / 3）

  
  啊？嘎吓人额啦？
  搿种物什讲不清爽额呀，好莱坞的导演，侪迷信来兮。伊拉传过来额咯，所以没人敢反抗。
  伊学政治经济学额呀！
  学是一回事体，信是一回事体。天晓得。倪飞飞笑了笑，侬覅讲出去哦，电影圈里不上台面的规矩不要太多哦。
  有数。两人碰杯。
  所以有种导演拿搿种物什骗骗小姑娘、吃人家豆腐咯啥，侬要当心哦。凡事多个心眼总没错。倪飞飞意味深长地看了一眼汤申佳。
  我本来就没想进电影圈，畀侬一讲，更加不敢进去了，人心叵测。
  多数还是好人，少数是垃圾。
  广播界也有垃圾额呀。上海滩，混腔势浑水摸鱼。额人多了！诶，听讲最近侬要拍新片子也是讲电台额呀？
  消息蛮灵额嘛！剧本是收到了，我还在考虑接不接。我老公帮我把关。
  搿要节目里讲伐啦？
  覅讲了，不想免费帮人家做宣传。唱片公司出钞票么当然先讲唱片额事体咯。
  懂了。
  这张唱片侬先带回去听听看，有啥意见可以跟我讲。倪飞飞从包里掏出新唱片，下面压着一个信封，请侬喫咖啡！
  不来赛不来赛，我请你上节目哪能要侬额钞票！小汤坚决把信封塞回倪飞飞的包里。
  又不是算我的账，公司额账呀。伊拉有这笔费用额呀，宣传费用，不用嘞侬此地也要用嘞其他地方额呀。规矩！倪飞飞态度强硬地摁了回去。
  难为情伐！小汤到底没犟过倪飞飞。
  第72章 ☆、穿越到剧本里去了？
  倪飞飞家的客厅是中式风格，全套红木，古色古香。
  落地柜上的收音机正在播《汤小姐信箱》，一个已婚男向汤小姐抱怨老婆上个礼拜离家出走，自己要一边带三岁的儿子一边守烟纸店，日脚过得一天世界。
  伊为啥要离开侬？导火线是啥？小汤的声音冷静沉着。
  上个礼拜，我搭伊两个人侪没空带小人，伊讲有应酬，结果侬晓得伐，伊抱牢儿子去舞厅。搿种地方小人好去啊？我跑得去把伊拉两个人拖回来。回来吵了一顿，我动了手。来电者典型大男子主义。
  动手肯定侬不对！小汤一语中的。
  伊啥应酬啦？无非是小姊妹唱唱歌，跳跳舞。一帮人混嘞一道自从伊开了这个瑜伽馆，伊就对我开始冷落了。我尝试跟伊沟通，伊不是讲太吃力了就是没辰光。当初我也是考虑到瑜伽馆多数是女客户，我才支持的，现在好了，生意好了，屋里侪掼畀我，变得越来越不顾家，我妈六十几岁，还要时不时过来帮阿拉带小人
  不管伊哪能，至少侬叫伊带小人，伊带了伐？现在伊外头做生意，有应酬，也是必要的。不排除看到外面的世界，看到其他人背的包包、开的车子，野心更大了，啊是？侬自家烟纸店生意不好，伊比侬会赚钱，是不是有点点自卑心理？侬跑到伊朋友面前，把老婆拖回来，伊面子要伐？小人还小，是不好去这种地方，倷老婆叫没办法，侬没带小人，伊也没掼畀侬呀。侬现在想哪能？是继续过还是分开？想过伐？
  还是有感情的。男子语气中充满不舍，小人嘎小，也不好离开娘。
  搿能想就对了！个么道歉，不单单要跟伊道歉，要跟丈人丈母娘道歉。一个女人，一边赚钱养家，一边带小人，我觉得伊还是爱这个家的。关键侬好好调整心态。婚姻是两个人共同成长，不存在单独一方幸福的可能，必须共赢，否则就共输。像开公司一样，合作得好，两个人就幸福，合作不好，就失败，就会痛苦。可能我的比喻太势利，大家听过算数，结婚，就像两个家族各出一个法人代表，公司名字叫家庭，小人就是两个人的产品，幸福就是利润。两个人要不断学习经营方法，合作才能长久，一个瘫痪也不来赛。否则就跟现实某些家庭一样，经营三五年，倒闭了，产品没地方去，退回其中一个厂家
  倪飞飞一边削苹果，一边饶有兴致听汤申佳的分析。伊追这个节目有一段辰光了，权当综艺节目听。小汤的控场能力好，金句迭出，令人拍案。上伊额节目，可以完全放轻松，伊来托底。
  突然，门外响起钥匙声音。 ↑返回顶部↑